[A:35b] lo de a lo la/ zhes blon po rta pa gsum brgya dang bcas pas/ rje'i snyan du glu dbyangs de phul ba dang/ a ti sha chibs kyi steng na khru gang tsam 'phags te/ sku'i dkyil 'khor mtshan dpes spras pa/ zhal 'dzum pa dang bcas pas a ti a ti/ pha la pha la/ shin du bkra shis zhes sogs dang/ 'di ltar rgyan dkar ba/ gos dkar ba/ tshig thams cad dam pa'i chos su 'byung ba/ blon po 'di dag gi lugs kyis chos kyi rgyal po lha btsun pa de/ lha'i dbang po brgya byin dang khyad par med par bzhugs nges shes zhes gsung/ de nas blon po chen po lha'i dbang phyug gis/ jo bo'i drung du thal mo sbyar nas/ bstan pa'i bdag po bod du byon lags sam/ sems can rnams la brtse bar byon lags sam/ e ma dus gsum 'doms par byon lags sam/ bshul ring lam la mnyel bar ma gyur tam/ zhes zhus te/ spyan ras gzigs kyi sku rtsa phyag bzhi bcu pa bris ma thag cig phyag rten du phul ba dang/ mgon po shin du dgyes nas/ de ma thag rab gnas mdzad cing/ spyan ras gzigs dbang 'jig rten gsum gyi mgon/ gzhan la phan phyir brtson pa'i go cha bsnams/ thugs rje'i rang bzhin dri med dkyil 'khor can/ 'gro ba'i sdug bsngal sel la phyag 'tshal lo/ ding sang kho bo khyed kyi zhing 'dir mchis/ thugs rjes 'gro ba'i don du skyab tu gsol/ zhes gsung/ de nas blon po gzhan rnams kyis kyang ras yug dkar po re phyag rten du phul lo/ jo bo'i zhal nas/ kho bo da gzod zhing 'dir sleb par 'ongs/ 'khor ba'i nags su bde ba ma mchis na'ang/ bshul rings lam la 'byung bzhi snyoms par byung/ chos rgyal 'khor bcas gzhi la bde lags sam gsung/ de nas thams ngag mthun par/ lha chen po