[A:37a] kyis brgyan pa lha mer bzhugs pa mthong bas/ skyabs su mchi'o zhes pa dang/ da ni 'jig rten gyi mgon po bod du byon no/ bdag cag bod kyi sems can rnams la thugs rjes gzigs shig ces dad pa phyogs gcig tu 'ur ba dang/ lha btsun pas kyang jo bo la/ bla ma rje btsun chen po'i zhal snga nas/ rgya gar yul nas bod kyi yul du byon/ bshul thag rings pas sku nyon ma mongs sam/ 'du ba rnam bzhi'i sku snyun mi mnga' 'am/ sku khams bde 'am dgyes par spyod lags sam/ sku gsung thugs la gnod pa mi mnga' 'am/ zhes gsol te/ bdag cag bod kyi skye bo phal cher ni/ bla ma dang bral rang gar smra ba ste/ kla klo'i spyod pa ma rungs spyod pa rnams/ a ti sha yis bzod pa mdzad du gsol/ zhes bod spyi'i bzod gsol dang / de nas lo tsA ba la rje slob dpon tshul khrims rgyal ba'i spyan snga nas/ re ba che bas bdag gis thugs dam zhus/ thugs la btags nas rgya gar yul du byon/ dka' ba mang po spyad pa bzod par gsol/ de nas jo bos bod du 'gro don 'byung bar smon lam btab pa/ e ma ho dge slong byang chub 'od bdag gis/ rtag tu bsams pa'i bla ma spyan 'drongs drongs pas/ bod kyi yul du skyes bu dam pa 'di'i/ gzhung lugs shin du dar zhing rgyas par shog/ ces zhus pas/ jo bo mnyes nas/ bod kyi sems can rnams kho bo la 'di ltar dad pa che ba/ phan bde'i 'byung gnas dkon mchog gsum/ nga'i gdul
bya
theg pa chen po'i rigs can 'di rnams la thugs rjes zung zhig gsung nas/ khrom thams cad la gzigs shing byin brlabs mdzad/ de nas mtho lhing padmo'i gling du phebs nas/ a ti shas bal po'i rgyal