[A:37b] po la/ khyod kyis thang bi ha ri'i gtsug lag khang dang/ lho'i phyogs su dge 'dun gyi 'du khang/ rgya bod gnyis kyi rab tu byung ba la pa tra legs par tshugs/ de'i sa brtag pa sogs rten 'brel thams cad kho bo rang gis tshar yod/ de'i nang du de bzhin gshegs pa'i sku dgung lo brgyad pa'i tshad/ seng ldeng la rje btsun ma sgrol ma'i sku/ rdo la rje btsun mi g.yo ba'i sku/ tsan dan gyi lde gu la spyan ras gzigs kyi sku/ gtsug tor dre med kyi sku la sogs pa gang grub bzhengs/ de'i bkod pa la paNDi ta gsum po gtong bas zla ba dgu'i nang du grub pa gyis/ rab tu gnas pa kho bo rang la brda sbyor gsung / de nas bal po'i rgyal po 'khor bcas phyir log pa na/ lha btsun pas bsnyen bkur te/ rta sum bcu rtsa gnyis dang/ paNDi ta gsum la yang gser srang re phul te/ lnga brgya'i dus 'dir dam chos rnam mang yang/ lam du 'gro ba brgya lam srid pa tsam/ bla mar bzhugs pa shin du mang na yang/ a ti sha nyid gcig pu nyid du zad/ bal po'i thang nas skyel du byon pa legs/ zhabs gla'i tshul du rta yi tshogs 'di 'bul/ skye rga na 'chi'i chu bo rab soms la/ rgyal po'i dregs pa spongs la gzhan don bsten/ zhes gsungs pas/ bal po'i rgyal po dgyes bzhin du/ gser srang sum brgya sras lha'i dbang po'i lag tu gtad de/ lha btsun pa la phul nas/ bal po'i rgyal pos gsol pa/ rgyal rigs lus la rnam dag khrims ldan zhing/ sangs rgyas bstan la dpa' ba'i go gyon nas/ 'jig rten sgron me bod du spyan drangs te/ thams cad chos la 'god pa ngo mtshar che/ bdag gis bskyed pa'i bu 'di rje la 'bul/ bsam pa bzang po gser dang 'dra ba 'di/