[A:39b] dang tshugs nye bar 'khor yin nam snyam pa la brten nas rang gi stan la 'brid thebs gsum byas/ mthar stan med pa tsam du nga rgyal skyungs/ de nas bsnyen bkur te/ lo tsA bas rgya gar gyi lo brgyus rgyus mang po dris pas/ sgro skur med par tshang ba lan du byung/ de nas yoon tan gang la mkhas zhus pas/ khyed thun mong ba la zer ram/ thun mong ma yin pa la zer gsung/ lo tsA bas thun mong ba la shin tu mkhas thun mong ma yin pa la 'dri ba yin gsung bar go nas/ thun mong ma yin pa la lags mod zhus pas/ kho bo 'di dang 'di la'ang mkhas gsung nas/ lo tsA bas rna bar ma thos pa'ang mang po bton nas byung/ der lo tsA ba'i nga rgyal thams cad zhi/ de nas paNDi ta'i zhal nas/ 'dul ba/ mdo sde/ mngon pa/ gasngags la sogs pa du ma las brtsams te/ 'di shes sam/ 'di shes sam zhes dris pas/ kho bo de la'ang mkhas zer ba min pa ma byung / paNDi ta de la shin du mnyes nas/ khyod lta bu yod pa la kho bo bod du 'ong mi 'tshal bar 'dug pa la zhes pa'ang gsung/ yang lo tsA ba de dag thams cad gdan thog gcig tu hril te hril nas nyams su len na ji ltar byed gsungs pas/ lo tsA ba na re/ theg pa ma 'dres so sor gsal/ bya ba phyed la ma 'dres par/ rang sar nyams su len lags mod/ zhus pas/ jo bo'i zhal nas/ lo tsA ba ngan par thal/ bod la kho bo dgos par 'dug gsung nas lan gzhan mi smra bar bzhugs/ de'i nub mo lo tsA bas/ nam thun gsum du bgos nas/ gnas gsum du rim gyi theg pa'i mtho dman dang bstun te bsgoms pas/ khong gi spyod pa thams cad paNDi tas mkhyen nas/ nang par lo tsA ba/ tsab ta tsob ta mang pos ci bgyid/ gang gi dam pa rdo rje'i gdan gnon dgos pa yin gsung /