[A:40a] der lo tsA bas theg pa'i nyams su len lugs zhus pas/ lo tsA ba des mi 'ong gsung/ 'o na khyed rang ji ltar mdzad lags zhus pas ci zer gnas gar sdod/ grogs su dang 'grogs/ spyod lam ci byed kyang 'dul khrims la gzhi byas la/ sems can thams cad ma yin pas der bsgom dgos/ ma lhar dag snang sbyong / lha skye med yin pas der bsgom 'dril ma shes na snying po
mi lon
zhes gsung nas/ 'di skad du khrims ni yon tan kun gyi gzhir/ rang gi ston pas legs par gsungs/ snying rje chen po dang 'brel ba'i/ byang chub sems ni mchog tu bsngags/ bzang rtog mtshan mas ma bcings pa'i/ skyed rdzogs zung 'brel nges 'tshang rgya/ skyes bu chung dang cher gyur pa'i/ bya ba 'di yin 'bring po la'ang/ mi rtag brtson pas bskul ba gces/ rang dga' spangs nas rgyal ba'i bka'/ rgyas par byed pa mkhas pa yin/ snying por bsdus nas nyams len pa'i/ skyes bu de ni bzang por grags/ las 'bras khyad du mi gsod pa'i/ bag yod can de btsun por bzhed/ kun shes gcig brdugs mkhas pa'i skyon/ lag len mi byed 'chal pa yin/ blang dor mi byed btsun po'i gsob/ shes par mdzod cig rin chen bzang/ thugs rje chen pos bskul bar zad/ ces gsung/ lo tsA bas dam par shes nas/ lha yi lhar gyur paNDi ta/ rnam dag sku mchog khrims kyis spras/ don gnyis 'byor pa'i nor gyis phyug/grol nas 'dren par kho bos 'tshal/ kho bo'i lung rigs sgron me yis/ sbas pa khyod kyi yon tan mthong/ sngan sngon chad tshig dang 'gal na yang/ da ni khyed bzhin nyams su blang/ zhes bstod do/ gzhan yang mdo sngags kyi chos rang rang gi skal ba dang 'tsham par gnang ste/ bod log