[A:40b] par lta ba lung rigs kyis tshar bcad/ the tshoom za ba spang blang gi mig phye nas/ bstan pa ches gsal bar mdzad do/ 'dir smras pa/ rgyal ba'i gsung rab nyin mor byed pa yis/ log smra'i mun pa mtha' dag drungs phyung nas/ yang dag lam bzang ches cher gsal mdzad pa/ bstan pa'i nyi ma gnyis pa deng 'dir shar/ de ltar lha btsun pa sogs kyi thugs dgongs rdzogs par mdzad nas/ bal po'i rgyal por/ paNDi ta dang bcas pas gtsug lag khang bzhengs 'tshar ba'i zhu byung ste/ 'byon du nye ba na/ jo bo chen po dgung lo re gcig bzhes pa'i dus/ bla ma dang yi dam gyis lung bstan pa'i dge bshes ston pa rang lo so dgu bzhes pa/ dang por yang gling gser gyi lha khang du mjal nas byin gyis brlabs pa'i tshul ston pa'i rnam thar gyi skabs su 'byung la/ de nas bshes gnyen ston pa dang/ lha btsun pas jo bo rgya gar du 'byon du ma ster/ dbus kyi rgyal khams su bsu ba gnad la dgar ba'i spring yig tshigs su bcad pa bcu dgu pa gtang/ bod ston rnams ma sleb ring la/ thabs du mas jo bo'i thugs ngang bsrings te rgya dpe rten gsum la sogs pa'i gzhi thams cad bal por ma skur/ de'i dus jo bo'i phyags phyir gung thang pa/ sa'i saM gha/ u pA sa si ka/ e la dha ri la sogs pa dpon slob nyi shus bal por byon nas/ mu stegs bcing ba'i mchod rten nag po bzhi mdzad/ u pA sa si kas bkra shis pa'i mchod rten dkar chen zhes pa che ba cig bzhengs/ gung thang pas jo bo yab sras zhal sprod kyi ras bris che ba cig/ u pA sa si kas jo bo'i sku la lha btsun pa dang/ gung thang pa ldem du byas pa gyang ris la bkod de/ rab gnas la sogs pa zhag nyi shu rtsa gnyis la tshar bar mdzad do/ de nas