[A:136]khyil le ba zhig 'dug pa ci yin par 'dug /khyed rnams kyis e mthong gsung / yang lan cig lha rje drung na yod pa'i tshe/ 'tsho byed khyod kyi yid la mkha' 'gro ma 'di rnams kyi da lta rang gdan 'dren bsam pa e 'dug /de 'dra mi dgos ga le byas nas gdan drangs te 'gro ba yin gsungs/ de nas cung zad song ba na nyi mthongs la phebs/ de'i tshe mdos rnams kyang btang bar yod pa na/ mdos 'gro yi 'dug gam gsungs/ 'dug lags zhus pas/ mdos thongs pa tsam gyi tshod la de'i rgyab la dmigs nas phyag gis thal mo lan gsum brdeb pa gnang / de nas yun ring ba zhig na nang pa drung rdor bas thugs dam la bzhugs ran 'dug lags zhus pas/ de bzhin byed gsungs nas tshom chen gyi shar sbug tu bzhugs gdan la phebs pa na/ de ma thag sku gzugs drang por bsrangs/ zhal lhor gzigs nas rgyud sde rin po che las gsungs pa'i 'da' ka ma'i rnal 'byor zab mo'i ngang du thugs mnyam par bzhag ste/ dgung lo lnga bcu rtsa gnyis pa shing mo yos kyi lo zla ba dgu pa'i tshes bzhi'i nyi ma shar dros pa tsam la gzugs sku'i dkyil 'khor chos kyi dbyings su bde ba chen po'i ngang du bsdu bar mdzad do/ /de'i tshe zla ba gnyis tsam gyi gong nas nam mkha' g.ya' dag cing / me tog gi char chen po sil mar 'bab pa dang / khyad par dgongs pa yongs su mya ngan las 'das nas yun ring po'i bar la nam mkha' 'ja' tshon gyi dra bas khebs shing / lha'i spos kyi dri ngad khyad par can ldang ba dang / lha rdzas kyi me tog gi char chen po kha ba bu yug 'tshub pa tsam