[A:148]rje btsun bla ma'i rtogs brjod 'di mthong tshe/ /skal bzang snying gi padmo'i chu gter du/ /dad pa'i rba rlabs mi g.yo'i gdengs yang ci/ /de las mgon 'dis mthong thos dran reg gi /don dang ldan phyir dngos grub cis mi stsol/ /tshul 'di 'phags yul rgyal ba'i rtogs brjod gtam/ /smra ba'i gtsug nor dge dbang yab sras dang / /dpal ldan dpa' bo nag mo'i khol la sogs/ /zla med mkhas pa'i gzhung lugs snying la 'grogs/ /sngon sbyangs las 'phro mkhas pa'i gsung rab las/ /blun po'i tshig gis nam yang mi mgu ba/ /dbyangs can mdzes ma'i spyan zur zla zer gyis/ /snying gi ku mud bzhad pa gang des smras/ /'di na phal cher mkhas pa'i bshes gnyen gyi/ /mgon dang bral bas blun po'i grong tshig gtam/ /'chad dang nyan dang smra ba lhur blangs pa'i/ /bstan bcos la grags tshig dang snyan ngag gi /rgyan gyis bcings pa'i yid 'phrog rtogs brjod dag /shwa na'i rna bar gaNDi'i rol mo bzhin/ /mkhas rlom blun po'i snying la mi 'bab kyang / /mang thos dpyod ldan dga' ba myur byos shig /de ltar rtogs brjod ngo mtshar le'u'i sgo/ /phyogs kyi 'khor lo dag dang bse ru'i grangs/ /re re'ang mdor bstan rgyas bshad don bsdu'i tshul/ /tshigs su bcad dang lhug pa spel te bkod/ /de las 'ongs pa'i dge ba ku mud tshal/ /zla zer 'od kyi byugs ltar dkar ba des/ /'gro 'di'i snying gi mun pa kun phrogs te/ /rje btsun bla ma'i lam gyis grol bar shog /bdag ni deng nas tshe rabs thams cad du/ /