[A:46]tsA dang: bsod nams rtse mo grags pa rgyal mtshan zhes: rigs gsum mgon po'i sprul pa gtsang du 'byung : zhes dang / sa skyar lo tsA kun dga'i ming : 'phags pa'i ming can gnyis byung nas: bod 'bangs sems can bde la phan: sangs rgyas bstan pa lnga bcu 'dzin: 'jam pa'i dbyangs kyi sprul pa yin: ces gsungs/ de dag gi don slob dpon rin po ches sa chen la bstod par/ mgon khyod nges par rdo rje 'chang dbang dang / /'jam pa'i dpal las gzhan du yod ma mchis/ /zhes dang / rje btsun chen pos/ 'jam pa'i dpal yang mi yi gzugs 'dzin cing / /zhes dang / rdo rje 'chang dang 'jam mgon dbyer med pa'i/ /bla ma mchog dang dam pa khyod nyid la/ /khyad par 'ga' yang bdag gis yod ma shes/ /zhes gsungs pa ltar ro/ /'di dag las 'phros nas 'jam dbyangs bdun brgyud kyi ngos 'dzin sogs la khungs thub kyi dpyad pa dgos rgyur 'dug na'ang deng sang kha su mang dbang che bar gda'/ bla chen 'di nyid kyi rang gi yab dang / 'khon sgyi chu ba/ zhang ston chos 'bar rnams la rnal 'byor dbang phyug chen po'i zhal gyi bdud rtsi rgyud gsum man ngag dang bcas pa sogs mang du gsan/ mal gyo lo tsA ba blo gros grags pa la jo bo nA ro ta pa'i thugs bcud phan phing gu pa sku mched las brgyud pa'i 'khor lo bde mchog gi chos skor ji snyed pa dang / lo tsA ba rin chen bzang po nas brgyud pa'i yo ga'i bshad srol/ bstan srung nag po chen po'i chos skor sogs gsan/ bla ma gnam kha'u pa sku mched la dpal gsang ba 'dus