[A:47]pa ye shes zhabs kyi skor dang / gzhan nag po chen po gdong bzhi pa'i chos skor sogs gsan/ gzhan bal po'i paNDi ta padma shrI/ rgya gar gyi rnal 'byor pa bho Da rA hu la/ bal po'i paNDi ta dznyA na badzra/ ba ri lo tsA ba brang ti dar ma rin chen/ dge bshes khyung rin chen grags pa/ dpal me dig pa/ mes lhang 'tsher ba/ spu rangs lo tsA ba/ dge bshes rngog lo/ skyu ra a skyabs rnams la brten nas theg pa che chung gi chos dpag tu med pa gsan cing ches mkhas par gyur la/ khyad par sa skya'i 'jam dbyangs brag khung du rje btsun 'jam pa'i dbyangs nyid bsgrubs pas rin po che'i khri la bzang po'i 'dug stangs kyis bzhugs pa g.yas g.yon na 'khor sems dpa' gnyis dang bcas pa mngon sum du zhal gzigs nas/ theg pa chen po'i nyams len gyi snying po bsdus pa zhen pa bzhi bral gyi gdams pa sogs gsan cing / rgyud byin gyis brlabs pa'i shes bya rab 'byams la blo'i snang ba thob/ de phyin mi dang mi lab pa ltar du gsung gleng mdzad par grags/ dus gcig gi tshe gnas der rnal 'byor gyi dbang phyug birWa pa nyid grub chen bzhis bskor ba zhal gzigs/ lcags ri mi 'da' ba'i gser chos rnam pa bzhi dang / rgyud sde bdun cu rtsa gnyis la sogs pa mngon sum du gsan par mdzad do/ /mdor na byang gi sa phyogs 'dir mkhas pa dang grub pa gzhan sus kyang 'gran par mi nus pa bstan pa'i bdag po dpal ldan sa skya pa zhes snyan pa'i grags pa dkar pos srid rtse'i bar du khyab par gyur/ dngos kyi zhal slob kyang mchog thob pa gsum/ bzod pa thob pa bdun/