[A:50]kyi rgyal po se chen go pe las spyan drangs te/ zab pa dang rgya che ba'i gdams pa du ma zhus/ khyad par kye rdo rje rin po che'i dkyil 'khor du dbang lan gsum zhus pa'i dang po la dbang yon du dbus gtsang gi khri skor bcu gsum phul/ bar pa la bod chol kha gsum phul/ phyi ma la rgya'i mi'i yur ma chen po phul/ mdor na lugs gnyis kyi sgo nas kha ba can gyi skye rgu thams cad kyi gtsug gi nor bus mchod pa'i gnas su bzhugs pa yin no/ /sras gnyis pa dpal gsang ba'i bdag po'i rnam 'phrul 'gro mgon phyag nar grags pa de byon/ de yang yum mi gcig pa'i mched zla slob dpon rin chen rgyal mtshan dang ye shes 'byung gnas gsum byung ba'i ye shes 'byung gnas kyi sras bdag nyid chen po bzang po dpal chu pho khyi'i lo la 'khrungs/ lo bcu drug pa la 'phags pa dang mjal/ chos kyang 'ga' gsan/ skabs gcig tu 'phags pas bdag nyid chen po la yun ring po zhig spyan hu re gzigs nas da bzod mi res pus mo la bab pa'i dus 'ong yon tan slobs gsungs pa dang / nga'i rmi lam na phyag na'i ri yin zer ba gnyis byung / ye 'byung gi ri yin zer ba'i ri brgyud mang po zhig byung gsung ba gnang / bcu dgu bzhes pa'i dus 'phags pa zhi bar gshegs/ nyer gcig pa la 'phags pa'i gshegs rdzongs mdzad/ de ma khad mi chen a 'bus gong la gdan drangs/ gong ma'i lung gis re zhig brtag dgos pas sman tser brgyug gsungs/ sman rtse'i yul phyi'i rgya mtsho'i lag chu 'jam chen po nyi shu rtsa gnyis bsgral ba na zo chu zer ba'i mkhar mig chen por bzhugs/ yang de nas lung gi