[A:53]rgyas shing che ba yin zer/ sgrol mas lung bstan bzhin sras sku mched rnams kyang dgung lo lnga bcu rtsa gcig yan chad la byon/ nga gnyis pa la rab tu byung zhing bsnyen par rdzogs pa mdzad/ mtshan a mo gha dhwa dzaM shrI pA la zhes btags/ de ltar bstan pa'i bya ba rgya chen po mdzad de dgung lo drug cu rtsa gsum pa shing pho byi ba'i lo la bzhi thog gzims khang du zhi bar gshegs so/ /de ltar bla ma bdag nyid chen pos btsun mo bdun khab tu bzhes pa las sras bco lnga sras mo gnyis te bcu bdun 'khrungs pa las/ sras thog ma gnyis gzhon nu la gshegs so/ /de 'og bla chen kun dga' blo gros rgyal mtshan dpal bzang po skyes stobs kyi thugs rab che zhing lung rtogs kyi yon tan phul du byung bas dgung lo bcu gnyis pa la gong ma rgyal po'i ti shri mdzad/ dgung lo nyer drug pa la bla ma bdag nyid chen po sku gshegs rjes su gcung rnams la bla brang khag bzhi so sor bgos te gnang / de'ang mkhas btsun nam mkha' legs pa'i blo gros rgyal mtshan dpal bzang po dang / gu shri nam mkha' rgyal mtshan dpal bzang po ste sku mched gnyis la shel gyi tham kha dang bzhi thog bla brang gnang / 'di dag gi gdung brgyud rnams la dang po bzhi thog bla brang pa zer/ phyis su chu mig bla brang pa zer te bdag chen blo gros dbang phyug pa yan gyis gdung brgyud rdzogs nas deng sang mi bzhugs ti shri kun dga' legs pa'i 'byung gnas dpal bzang po dang / de'i gcung ti shri kun dga' rgyal mtshan dpal bzang po sku mched la gser gyi tham kha dang lha khang bla brang gnang / 'di dag gi