[A:54]brgyud pa la lha khang bla brang ba zer/ deng sang la stod gcung dang khams phyogs na bzhugs pa'i bdag po byang pa grags pa de yin/ tA dben gu shri/ de'i gcung 'jam dbyangs don yod rgyal mtshan pa/ de'i gcung thams cad mkhyen pa bsod nams rgyal mtshan dpal bzang po ste sku mched gsum la shel gyi tham kha dang rin chen sgang bla brang gnang / 'di dag la dang po rin chen sgang bla brang pa dang / phyis su dge sdings bla brang par grags/ bdag chen rdo rje 'chang chen po yan gyi gdung brgyud rdzogs nas deng sang chos brgyud 'dzin pa sha stag yin/ sa'i len dbang kun dga' legs pa'i rgyal mtshan dpal bzang po la dus mchod bla brang dang gser gyi tham kha gnang / 'di pa'i sgos kyi gdung brgyud la dang po dus mchod bla brang pa dang / deng sang rtses gdong bla brang par grags shing lugs gnyis kyi sgo nas dar zhing rgyas par bzhugs so/ /de las gzhan pa'i sras rnams chung ngu la gshegs/ lcam mo rnams mtshan ma smos so/ /da bye brag tu rin chen sgang blang brang pa'i thog ma ni/ bdag nyid chen po'i btsun mo drug pa zhwa lu sku zhang mgon po dpal gyi sras mo ma cig gzhon nu 'bum/ de la sras sku mched gsum 'khrungs pa'i gcen tA dben kun dga' nyi ma gzhon nu nas yab mes kyi chos rnams la mkhas par sbyangs/ gong ma rgyal po ta dben gu shri'i mtshan shel tham che ba tho shu dang bcas pa gnang / bstan pa'i bya ba rgya cher mdzad nas chu pho khyi lo la pho brang chen po nyid du gshegs so/ /de'i gcung 'jam dbyangs don yod rgyal mtshan ni/ lcags pho khyi lo la zhwa lu khang gsar du 'khrungs/ skye ba bdun pa'i mtshan nyid