[A:57]mang du bsten/ yab mes kyi chos la mkhas par sbyangs/ phyis chos rje'i drung du bsnyen rdzogs kyang mdzad/ gong nas gdan 'dren byung bla chen du mtshan gsol yang rgyal khams kyi bde dog gi dbang gis phebs ma thub/ bar skabs su gon jo bdag pos spyan drangs nas mdo khams su chos 'khor mang du bskor/ gzhan yang gdan sa bsam yas sogs su bstan pa'i bya ba rgya chen po mdzad cing / khyad par chos rje bla ma'i bka' 'bum phyogs gcig tu bsgrig pa gnang / sa bzang 'phags pas zhu ba po mdzad de theg chen chos rje/ shar chen pa sogs dge bshes mang po la bka' 'bum gyi thog nas dbang lung bshad pa khrid bka' bsam gyis mi khyab pa gnang / dgung lo bdun cu don lnga pa sa pho khyi lo la sha ba dge sdings su zhi bar gshegs so/ /bla chen des bsnyen rdzogs ma mdzad gong du ma cig zha lu ma nam mkha' rgyal mo khab tu bzhes pa la sras lcam sring bzhi 'khrungs pa'i che ba ni/ bdag chen rdo rje 'chang chen po 'di nyid kyi yab bdag chen 'jam dbyangs chen po nam mkha' rgyal mtshan dpa' bzang po zhes grags pa me mo glang la sku 'khrungs pa yin la/ de yang skyes stobs kyi thugs rab phun sum tshogs pa mnga' bas 'bri klog la sogs thogs med du mkhyen/ gdugs gnyis la brtag gnyis thugs su chud/ nyin gcig la bde mchog gi mngon dkyil thugs su chud pas kun gyis 'jam dbyangs chen por mtshan gsol/ yab bla chen pa/ theg chen chos