[A:56] ti shri kun dga' nyi ma/ 'jam dbyangs don yod rgyal mtshan/ rgyal ba brag phug pa sogs yongs 'dzin mkhas grub du ma bsten nas bod yul du 'gyur ba'i theg pa che chung gi chos phal cher gsan/ thos bsam sgom gsum mthar phyin nas 'chad rtsod rtsom gsum mthar phyin zhing / gong ma'i lung gis dgung lo so gsum la bzhi thog gi gdan sar spyan drangs nas bstan pa'i bdag por bzhugs/ lha sa'i jo bo'i gdan khri rgyab yol spod pa/ bsam yas sogs sngon gyi lha khang mang po'i zhig gsos/ chos 'khor rab tu che ba lan 'ga' dang bcas pa mdzad/ dro ba kun mkhyen zer ba'i grub chen cig gi nyams snang la/ bcom ldan 'das thub pa'i dbang por gzigs so/ /stod lung pa dge bshes shes rab rdo rjes 'jam dbyangs 'od zer dang bcas pa mthong ba sogs ngo mtshar ba'i rnam thar bsam gyis mi khyab/ dgung lo drug cu rtsa bzhi pa shing mo yos kyi lo zla ba drug pa'i nyer lnga'i nub bsam yas bla brang du bde bar gshegs/ phyi rten snye thang 'or na yod/ nang rten byams pa'i gser sku chen po rin chen sgang na bzhugs/ 'jam dbyangs don yod pas bsnyen rdzogs ma mdzad gong du ma cig gzhon nu 'bum gyi bu mo ma cig zha lu pa yon tan dpal 'bum khab tu bzhes pa'i sras gcen nyi ma rgyal mtshan chung ngu la gshegs/ gcung zla ba rgyal mtshan rab tu byung ba'i mtshan kun dga' rgyal mtshan shing pho spre'u'i lo zha lu khang gsar du 'khrungs/ chos rje bla ma dam pa dang mnyam med chen po sogs yongs 'dzin