[A:58]kyi rgyal po/ mkhan chen bsod nams rgyal mchog /sbas pa'i rnal 'byor pa rdo rje rgyal mtshan sogs bla ma dam pa du ma bsten nas yab mes kyi chos la mkhas par sbyangs shing zab don rgya mtsho'i mnga' bdag tu bzhugs/ slob dpon chen po padma 'byung gnas kyi rnam 'phrul du byed sa skya pa'i bstan srung rnams bran du 'khol nus pa'i mthu stobs kyi mnga' bdag chen por yongs su grags/ dgung lo bdun cu rtsa drug pa chu pho 'brug gi lo bzhi thog bla brang du zhi bar gshegs/ sku gdung zhugs la phul bas gdung rus phal cher gdung log dang lha sku ring bsrel du byon/ nang rten yang bzhi thog nyid na bzhugs/ de'i gcung bdag chen zha lu pa mthu stogs dbang phyug bsod nams rgyal mtshan dpal bzang po sa pho byi ba'i lo la rin chen sgang du 'khrungs yab chos la mkhas par sbyangs/ mthu stobs nus pa'i pha mthar son/ dgung lo bzhi bcu rtsa gsum pa lcags pho rta'i lo la zhi bar gshegs/ lcam mo che ba phyag rdor 'bum dang / chung ba dge ma'o/ /bdag chen 'jam dbyangs chen po de nyid kyis dpal sa skya pa'i dpon chen gyi brgyud pa khrom mda' ba'i sras mo ngo tsha shes shing khrel yod pa gtong ba la dga' zhing dad pa che ba sogs rang bzhin gyi ye shes kyi mkha' 'gro'i mtshan nyid dang ldan pa/ ma cig dpal 'byung rgyal mo zhes bya ba khab tu bzhes pa la sras lcam sring drug byung ba'i gcen bdag nyid chen po rgya dkar shes rab rgyal mtshan dpal bzang po me pho 'brug la 'khrungs/ skyes stobs kyi thugs rab shin tu che zhing