[A:59]bshes gnyen dam pa mang po bsten/ yab chos rnams phul du phyin pa mkhyen/ phyag mdas shing sdong chen po thal byung du phigs pa dang / khang pa 'jig par nges pa tshon skud kyis bcings pas g.yo ba med pa dang ma rungs pa dag gis chus bskor ba na na bza'i g.yabs mo brdabs pas mod la rdzing chen po phyogs med du ral pa dang / gangs ris lam 'gags pa na mgon g.yag gyi khyu chen pos lam gtod pa dang / skam sar chu mig 'don pa sogs grub rtags nus pa bsam gyis mi khyab pa mnga' ba yin/ de'i gcung dngos bdag chen chos kyi rgyal po nyid yin/ lcam mo bzhi'i che ba slob dpon ma bsod nams dpal 'dzom/ gnyis pa slob dpon ma nam mkha' 'bum/ gsum pa slob dpon ma nam mkha' bzang mo/ bzhi pa slob dpon ma mkha' 'gro 'dzom mo/ /bdag chen zha lu pa chen pos ldan ma ma cig kun dga' 'bum khab tu bzhes pa la sras bdag chen grags pa rgyal mtshan pa chu mo glang la 'khrungs/ zhe gnyis pa shing pho rta'i lo la sku gshegs/ 'di la bdag chen khams pa bar grags so/ /kha ba ri pa'i bsod nams padmo'i rtser/ /skabs gsum bung ba gzhon nu'i rol rtsed las/ /phan bde'i sbrang rtsi gsar pa'i dus ston gyi/ /thub bstan lang tsho'i 'dzum dkar 'di na bzhad/ /dpa' mdzangs blo gros phun tshogs dpa' bo zhig /'jam dbyangs 'khor los sgyur ba'i zhabs 'bring mchod/ /de yi rigs la kha ba'i sman ljongs su/ /ngur smrig 'dzin pa'i thog ma nA gendra/ /'jig rten mig gyur 'khon ston mched bcas kyis/ /'dzam gling brtul zhugs grub pa'i