[A:60]mthar son pa'i/ /u rgyan mkhan pos zhabs rdul gtsug gis bsten/ /gsang chen bdud rtsis thugs kyi bum bzang gtams/ /rigs kyi thig le grub dbang bal po'i mtshan/ /rigs sngags grub pa'i sngags 'chang 'khon rog sogs/ /khrag 'thung yang phur khros pas zhal mthong zhing / /sra brtan brag la 'dam bzhin phur pa 'debs/ /bas mtha'i gnas su mkha' la bya ltar lding / /dbyings phyug ma mo bdud nag thod phreng dang / /gangs can skyong ba'i ma mo bcu gnyis sogs/ /bka' yi springs yig ral pa'i rgyan du 'dzin/ /de nas rje btsun dkon cog rgyal po zhes/ /mkhas dang grub pa'i 'dab bzang dbang po des/ /gsang chen gsar pa'i padma'i chu gter rnyed/ /skal bzang ngang pa'i bsti gnas dam par gyur/ /gangs can ri bo'i khong 'di ma ga dha/ /chu shel 'dzin ma'i spo la rdo rje'i gdan/ /byang phyogs skye rgu'i dpal du 'phos 'dra ba'i/ /sras bcas rgyal ba'i pho brang gtsug lag khang / /gang der rje btsun 'jam pa'i rdo rje nyid/ /gos dkar lcang lo'i zol gyis gsang chen skyong / /la lar ngur smig 'dzin pa'i gar gyis rol/ /thub bstan rgyal mtshan srid mthar 'dzin pa la/ /sa skya pa zhes snyan pa'i rnga gsang ni/ /khor yug ri bo'i bar du lhang nge ba/ /yongs 'du dag la rkang 'thung gnyis pa bzhin/ /sa chen 'di na 'gran zlas dben par gyur/ /der ni stobs ldan rgyal po se chen gyis/ /shing sgo 'dzin pa'i bod yul chol ka gsum/ /chos kyi rgyal por phul bas byang phyogs na/ /gang 'di'i 'bangs su