[A:61]ma gyur su yod smros/ /'phags mas lung bstan ma dros chu mtsho las/ /mkhas dang grub pa'i gdung gi chu bo bzhi/ /dge mtshan rin chen bye ma 'dren bzhin du/ /skye dgu rgya mtsho'i dpal du dal gyis babs/ /de las chu skyes tshal na pad dkar dang / /rgyu skar khrod na ri bong 'dzin pa ltar/ /rab mchog phul byung rin chen sgang pa zhes/ /zla med mthu stobs nus pa'i bdag nyid byung / /rmad byung rigs kyi nor bu'i cod pan 'di/ /dregs ldan bye bas ral pa'i rgyan du mchod/ /mkhas dang grub pa yongs kyi spyi bos btud/ /skal bzang 'gro ba kun gyi phyag gi gnas/ /ba lang lta bu'i blun po skal ngan 'ga'/ /ma gtogs rgya mtsho'i gos can khyon 'di na/ /gang gi rigs mchog zhabs rdul gtsug rgyan du/ /'dzin par mi byed shes ldan su zhig yod/ /bdag chen rdo rje 'chang chen po blo gros rgyal mtshan dpal bzang po'i rnam thar yid 'phrog utpal la'i do shal zhes bya ba las rigs khyad par can du sku 'khrungs pa'i gdung rabs cung zad smos pa'i skabs te dang po'o// //padma'i rnam 'phrul 'jam dbyangs chen po dang / /mtshan ldan DA ki dpal 'byung rgyal mo yi/ /sras su 'khrungs nas ngo mtshar rol rtsed mdzad/ /gsang chen snyan brgyud thob la phyag 'tshal lo/ /de ltar sprul pa'i yab yum de lta bu las sras kyi thu bo bdag nyid chen po 'di yab kyi dgung lo bzhi bcu zhe brgyad bzhes pa'i dus mig dmar zhes bya ba shing pho