[A:64]thag tu thang skus gril ba sogs kyang shin tu gsal bar dran/ dgung lo gnyis gsum nas drug gi bar yab yum gyi drung kho nar bzhugs shing bla brang gong pa'i dge bshes gcig gis bris klog sogs brda tsam phul bas thogs med phul du phyin par mkhyen/ rje btsun yab nyid la gsung ngag rin po che/ yang phur gyi chos skor/ dkar bdud kyi rjes gnang man ngag /dmar po skor gsum gyi chos skor/ gur gyi mgon po lha brgyad kyi rjes gnang / dpal mgon chen po dang / pu tra ming sring gi rjes gnang / dur khrod bdag po'i rjes gnang / yig lung / tshe dpag med dze tA ri lugs kyi dbang / sgrol ma dkar mo'i rjes gnang sogs dbang lung / rjes gnang / man ngag /gar dbyangs 'chams la sogs pa'i phyag len phra mo tshun chad zhib cha dang bcas pa sku chung ngu nyid nas legs pa gsan pa yin ces thos/ khyad par yab nyid kyis sras dang slob ma gzhan su la yang ma gnang ba'i dpal ldan sa skya pa'i bstan srung rnam pa gnyis kyi thun mong ma yin pa'i chos skor sogs gdung brgyud kho na la chig brgyud du bzhugs pa'i gdams pa rnams yongs su rdzogs par gnang bas chos skor 'di dag gi mnga' bdag chen por bzhugs pa yin te/ rje nyid kyi gsung las/ bod yul bstan pa'i mnga' bdag mchog /sa skya'i rje btsun las brgyud pa'i/ /nag po chen po'i man ngag la/ /nga mkhas zer ba mang na yang / /ji bzhin rtogs pa kho bo tsam/ /zhes dang / snying por gyur pa'i man ngag rnams/ /bang mdzod dmar po'i thugs dkyil las/ /