[A:65]gzhan nas rnyed par mi 'gyur bas/ /dad ldan yod na blang bar gyis/ /zhes dang / de lta'i blo gros gang gi mthus byung ba/ /mkhyen brtse mthu stobs mchog gi 'byor pa can/ /dpal ldan bla ma nam mkha'i mtshan can zhabs/ /'dren mchog de yi drin las rnyed par gyur/ /ces gsungs pa rnams kyis gsal bar shes pa yin no/ /gzhan yang sa dang / rin po che dang / gos dang / ljon shing dang / rta glang dang / skye bo pho mo brtag pa ste brtag pa rnams pa brgyad la sogs pa lugs kyi bstan bcos mtha' dag la'ang legs par sbyangs pa'i sgo nas rgyal po la sogs pa 'jig rten pa rnam kyang rab tu mgu bar byed pa'i ngang tshul can zhig yin no/ /bho Ta'i ljongs kyi nor 'dzin thig le ni/ /kunda dong ka bandhu dzI wa kaH zar ma ha lo'i me tog mdangs 'phrog pa'i/ /rin chen sgo glegs phye ba'i yul gyi gru/ /'chi med dbang po'i grong khyer sa la ni/ /babs 'dra g.yang grong zhes bya'i bsti gnas su/ /dge mtshan bye ba'i dpal dang lhan cig tu/ /mgon khyod rdo rje'i sku mchog bltams par gyur/ /chu gter bsrubs las zla tshes ni/ /bde 'byung gtsug na 'od dkar bzhad/ /dam pa mkha' 'gro'i chu skyes las/ /legs 'khrungs 'gro 'di gtsug gis bsten/ /rta bdun dbang po shar ba na/ /'dab brgya'i spu long g.yo ba yi/ /'dam skyes 'dzum dkar phreng ba rgod/ /'byung ngo yang ni dbyig ldan mar/ /'di lta'i bzhin pad 'dren byed kyis/ /ze'u 'bru'i ge sar gsar pa