[A:71]pa yongs kyi gtsug gi nor bu sems dpa' chen po de nyid dang / rje btsun rdo rje 'chang chen po ngur smrig 'dzin pa'i dpal gyi rnam par rol pa bdag chen rdo rje 'chang chos kyi rje gzhi thog pa kun dga' dbang phyug pas las kyi slob dpon/ 'dul ba 'dzin pa sangs rgyas dpal grub kyis grib tshod pa/ mkhan chen kun blo ba la sogs pa rnams kyis grogs dan dang kha skong mdzad nas smin drug zla ba'i tshes bcu'i nyi ma gung gi cha la dge tshul gyi sdom pa rnam par dag pa bzhes pa mdzad do/ /dus de nyid nas bzung ste/ gang zhig srog gcod gzhan gyi nor 'phrog dang / /mi gtsang spyod rdzun bcos pa'i chang la sogs/ /gar sogs 'phreng sogs mal chen mtho ba dang / /phyi dro'i kha zas gser dngul len pa spang / /zhes gsungs pa ltar/ dge tshul gyi bslab pa'i gzhi bcu char gtogs dang bcas pa thams cad mig gi 'bras bu ltar gces par bsrung bar mdzad do/ /dgung lo bcu drug pa myos ldan zhes bya ba sa mo yos kyi lo la rje nyid kyi thugs dgongs la sde snod kyi phyogs la mkhas grags thon pa zhig cis kyang mdzad dgongs pa zhig shar nas mtshan nyid kyi phyogs kyi gzhung mang du gzigs rtog mdzad pa'i tshe rje btsun kun dga' dbang phyug gi zhal nas/ ding sang khyed la bar chad kyi ltas cung zad 'dug pas re zhig la gzigs rtog 'di 'then/ sku mtshams dam par bsdams nas kye rdo rje'i gzhi bsnyen zhig mdzad pa cis kyang 'thad gsung pa ltar/ de 'phral dpon slob gnyis kyis gzims khang dmar mo la bug sgo mdzad/ 'phral