[A:70] rnam 'joms bir lugs kyi byin rlabs/ rje btsun ma ku ru kulle'i byin rlabs/ dbang sdud 'dod pa'i rgyal po'i rjes gnang / de nyid dang rjes su 'brel ba'i yi ge ngor lugs la grags pa cha tshang gi lung / nag po chen po lha brgyad kyi rjes gnang / dam can pu tra ming sring gi rjes gnang / dpal mgon gdong bzhi pa'i rjes gnang / de dag dang rjes su 'brel ba'i yi ge'i lung / rdo rje 'chang kun dga' bzang po nas brgyud pa cha tshang / bdag chen kun rin pa nas brgyud pa'i thun mong ma yin pa'i man ngag 'ga' zhig dang bcas pa gsan/ rje btsun dam pa de'i gsung las khyod kyi gzhi thog gi gdan sa 'di la bzhugs nas sgo gsum chos dang mthun pa dang / sde 'di la gang phan mdzad dgos shing / khyad par du mus su sems dpa' chen po'i drung du phebs nas ngor pa nas brgyud pa'i lam 'bras sogs gsan te bstan pa la phan pa rgya che ba zhig mdzad dgos/ de bzhin ma mdzad na nga'i blo kha mi rdzogs pa yod do gsung ba sogs lugs gnyis kyi sgo nas thugs brtse bas skyong bar mdzad cing / mdor na thugs kyi sras gcig pur gyur pa yin/ dgung lo bco lnga bzhes pa 'bru mang po zhes bya ba sa pho stag gi lo rje btsun rdo rje 'chang mus chen sems dpa' chen po dkon mchog rgyal mtshan dpal bzang po zhes yongs su grags pa des/ e waM gyi gdan sa 'phrod nas mus la phebs pa'i lam zhor grub pa mchog gi gnas bar sdings zhes bya bar spyan drangs te mkhan po 'dul ba 'bum sde'i mnga' bdag ngur smrig gi rgyal mtshan 'dzin