[A:73]ngag mang du gsan/ dgung lo bcu dgu bzhes pa sna tshogs zhes bya ba chu pho rta'i lo la rje btsun kun dga' dbang phyug pa zhing gzhan du bde bar gshegs/ de ma thag rje nyid kyis dge sdings nas phebs te/ rje btsun pa'i thugs dgongs rdzogs thabs kyang bsam gyis mi khyab pa bsgrubs shing gdan sa chen po'i rtsis bzhes kyang legs par gnang / de ltar dgung lo nyi shu pa nyi ma zhes bya ba chu mo lug gi lo'i bar gdan sa chen po/ dge sdings/ bar sdings la sogs pa gang dgyes su gsan sbyong thugs dam sogs mdor na thos bsam sgom gsum dus gcig tu nyams su bzhes par mdzad pa yin no/ /'di na khyim gyi bde la chags pa dag /dug sbrul 'khyil bas dkris pa'i tsandan gyi/ /dri yis bos pa'i phyogs slad 'gron po bzhin/ /ma lus sdug bsngal rtsa bar rab gzigs nas/ /zla dbang nag po'i sprin las thon pa ltar/ /mi bzad 'khor ba'i bya ba kun dor te/ /rab yangs pad mtshor ngang mo 'jug pa bzhin/ /shAkya'i sras kyi brtul zhugs 'dzin par gyur/ /mkhas grub bye ba'i ral pa'i cod paN gyi/ /myu gu bkram pa dpal ldan sa skya'i khrir/ /dam pa'i gsung gis sras bcas rgyal ba yi/ /chos kyi 'khor los sgyur ba dbang bskur thob/ /de tshe li khri'i rlung gzhon gyis rtsubs pa'i/ /byu ru'i nags tshal cig car bskyod pa bzhin/ /phyogs kun rdul dmar g.yo ba'i mkhas mang gis/ /phyag 'tshal gser ldan ngal bas 'dar ba snyam/ /he ru kaH