[A:77]gsum char gtogs dang bcas pa g.yel ba med par gces spras su mdzad pa yin no/ /sngon tshe bya rgod phung po'i ri bo la/ /gser sbyangs lhun po li khri'i mtshor zhugs bzhin/ /thub dbang nyan thos bye ba'i 'khor gyi dbus/ /tshangs pa'i dbyangs kyis dam chos 'doms pa ltar/ /bde ldan ri bo'i spo la mus chen rje/ /sras kyi thu bo mkhas grub rnam gnyis sogs/ /ngur smrig 'dzin pa 'bum sdes yongs bskor nas/ /zab cing rgya che'i dga' ston stsol ba gzigs/ /de tshe thugs mtsho'i dad pa'i rba rlabs ni/ /gyen du 'phyo ba'i lbu 'phreng ci yang g.yo/ /rnam dag khrims kyi nor bus khyod thugs gtams/ /bu ram shing pa'i sras kyi thu bor gyur/ /de lta'i grags snyan skal bzang snying gi rtsa/ /sum rtsen rna ba'i bdud rtsi gaNDi'i dbyangs/ /phyogs kyi mdzes ma'i rna lung la 'phos pas/ /'og min gtsang ma'i zhing du ca cor bsgrags/ /dam pa de nyid la rdo rje theg pa'i gsang ba zab mo bka' drin nos pa'i tshul ni/ zhabs drung du phebs ma thag tu thog mar bcom ldan 'das gshin rje gshed dmar po lha lnga'i dkyil 'khor du smin byed kyi dbang bskur ba sngon du 'gro ba'i sgo nas spros med kyi byin rlabs bskyed rdzogs kyi khrid kyi rnal 'byor nyams khrid du gsan cing / de la nye bar mkho ba'i lus sbyong 'khrul 'khor/ bskyed rdzogs kyi gzhung / khrid yig la sogs pa'i lung rnams dang bcas pa thugs dgyes bzhin du stsal pa la brten nas spros med rnam par mi