[A:76] las kyi slob dpon 'dul ba'i gzhung lugs rab 'byams kyis mgrin pa brgyan pas mkhas pa'i mchog tu gyur pa zha lu ba chos rje sangs rgyas dpal bzang po/ gsangs te ston pa'i slob dpon nyes ltung gi dri ma mtha' dag dang bral ba'i btsun pa'i mchog sle lung mkhan po dkon cog blo gros pa/ chos shes nas nyams su len pa la mkhas pa'i dge slong 'dul ba 'dzin pa chen po blo gros rin chen pas grib tshod pa mdzad de/ dad pa'i dge 'dun 'khor 'dul ba 'dzin pa bcu gnyis dang bcas pa'i dbus su bsnyen par rdzogs pa'i dge slong gi dngos po mngon du gyur te/ sangs rgyas kyi bstan pa la zhugs la yongs su rdzogs pa'i sgo nas ngur smrig rgyal mtshan 'dzin pa rnams kyi gtsug gi nor bu gyur to/ /de'i tshe mdo sde dran pa nyer gzhag las/ ji ltar gsungs pa ltar bstan pa la dga' ba'i lha rnams kyi lha rdzas kyi me tog gi char 'bebs/ sangs rgyas kyi bstan pa dang dkar po'i lha'i phyogs ni yar ngo'i zla dbang ltar gong 'phel du gyur to/ /lha ma yin dang nag po'i phyogs rnams ni sgra gcan gyi khar lhung ba'i rgyu skar bdag po bzhin du mi gsal zhing 'grib par gyur/ snyan pa'i grags pas sa steng thams cad khyab cing sa'i lha rnams kyis rgyal chen rigs bzhi'i lha rnams la bsgrags/ de dag gis sum cu rtsa gsum pa'i lha rnams dang / de nas 'og min gyi bar du ches cher bsgrags par gyur to/ /dus de nyid nas bzung ste ltung ba sde lnga char gtogs dang bcas pa'i dri ma mtha' dag dang bral zhing / gnyen po'i khrims nyis brgya lnga bcu rtsa