[A:78]rtog pa'i ye shes kyis thugs kyi bum pa yongs su gang bar gyur cing / dpal ldan a ti sha yi thugs kyi bcud/ mnyam med gser gling pa chen po nas brgyud pa'i theg pa chen po'i nyams len gyi snying po blo sbyong don bdun mar grags pa nyams khrid du gsan cing / de'i rtsa tshig rgyal sras thog med pas mdzad pa'i khrid yig zin bris chen mo/ dam pa de nyid kyis mdzad pa'i sngon 'gro'i ye ge dang bcas par dgyes bzhin du gnang ba la brten nas kun rdzob dang don dam pas bsdus pa'i byang chub kyi sems rnam pa gnyis bcos ma ma yin pa thugs rgyud la 'khrungs/ de rjes ni gu/ gcod khrid sogs thor bkod pa'i gsung chos rnam grangs mang ba zhig dgos tshul phul bas/ rje sa chen gyi rnam thar gnang nas khyed rang gi chos rnams 'di na yod pas/ 'di la gzigs nas 'di'i nang na nged rang gi thob pa gang 'dug 'bul gsung byung zhing / de mthun dus gsum gyi rgyal ba sras dang bcas pa thams cad kyi bgrod pa gcig pa'i lam po che/ mdo rgyud man ngag thams cad kyi don gyi brjod bya mthar thug pa'i bcud kyi nying khu/ rnal 'byor dbang phyug chen po rnams kyi thugs nyams su bzhes shing myang ba'i gsang chen gyi gtam/ 'phags yul gyi grub pa mchog gi dbang po rnal 'byor dbang phyug dpal ldan birWa pa'i gsung gi man ngag /rje btsun sa skya pa yab sras rnams la snyan brgyud bzhi bar ma chad par byon pa'i ye shes kyi mkha' 'gro'i kha rlangs kyi drod ma nyams pa'i gsung ngag rin po che lam 'bras bu dang bcas pa'i man ngag gi bka' drin gsan par mdzad de/ de yang