[A:79]thog mar snang ba gsum gyi khrid kyi bar dge ba'i bshes gnyen che rags pa mang po sogs tshogs pa shin tu che ba dang lhan cig tu gsan/ sngags lam dbu gtsugs nas dpon slob nyung shas la zla ba drug gi bar du tshogs bshad zab mo khrid kyi lugs su thun mong du gnang / dgongs ja'am srod ja gang ris kyi thog tu thun mong ma yin pa'i slob bshad snyan brgyud du bzhugs pa rnams rje 'di kho na la chig brgyud du gnang / de ltar lam yongs su rdzogs pa zhar byung dang bcas pa'i khrid/ dbang gi mngon par rtogs pa bdun dang ldan pa'i sgo nas rdul tshon gyi dkyil 'khor du smin byed kyi dbang bskur ba/ zab mo lus kyi dkyil 'khor la brten nas grol byed kyi lam gyi dbang / lam zab mo bla ma'i rnal 'byor gyi byin rlabs/ rnal 'byor dbang phyug gi thun mong ma yin pa'i byin rlabs srung ba dang bcas pa brda don gsal ba dang / brda tshig brgyud kyi byin rlabs sogs dbang byin rlabs du ma/ de dag dang rjes su 'brel bar bla ma brgyud pa'i rnam thar tshang ma/ gsung ngag glegs bam po ti dmar chung / gzhung bshad sras don ma sogs yig lung du ma ste/ mdor na man ngag yongs su rdzogs pa gnang zhing de dag la thos bsam gyi sgo nas sgro 'dogs mtha' dag dus de nyid du chod cing rtse gcig tu nyams su bzhes pa la brten nas so so'i skabs nas bshad pa'i thun mong dang thun mong ma yin pa'i nyams rtogs mtha' dag thugs rgyud la 'khrungs te/ tshad ma snyan brgyud bzhi'i mnga' bdag chen por gyur nas/ mthar grub pa'i lung byin pa'i tshe