[A:80]yang chos bdag po la 'phrod pa yin no gsung ba sogs dgyes tshor dang bcas pa'i sgo nas gsung ngag rin po che'i bstan pa rje 'di nyid la gtad par mdzad do/ /gzhan yang rgyud gsum man ngag lugs kyi bshad pa yang sgro 'dogs chod par gsan/ 'khor lo bde mchog lo dril gnyis kyi dbang / lo nag dril gsum gyi bskyed rim gyi bshad pa/ dril bu rim lnga dang / lo hi pa'i rdzogs rim gyi khrid/ rdo rje rnal 'byor ma'i byin rlabs/ rtsa dbu ma'i khrid/ dpal mngon par rtogs pa dang nA ro pas mdzad pa'i rnal 'byor ma'i sgrub thabs sogs kyi lung bsam mi khyab dang / phyag rgya chen po yi ge med pa'i byin rlabs/ lam skor phyi ma brgyad kyi khrid yig lung / sgrub thabs brgya rtsa'i rjes gnang / rdo rje 'chang kun dga' bzang po'i bka' 'bum gyi lung thog cig /rje nyid kyi bka' 'bum yongs su rdzogs pa'i lung la sogs pa/ mdor na dbang byin rlabs rig gtad/ bshad pa/ lung / man ngag bsam gyis mi khyab pa zhig thugs dgyes bzhin du gnang bas sku drin che ba'i bla ma rnams kyi mchog tu gyur pa'o/ /debazhin du mdo rgyud rab 'byams la mkhas pa'i pha rol tu phyin pa rje de nyid kyis snyan brgyud 'dzin pa'i sras kyi thu bo chos rje rin po che sangs rgyas dpal bzang po'i drung du bde mchog nag po'i dbang / lo nag dril gsum gyi bskyed rim gyi bshad pa/ nag po rim bzhi'i 'khrid/ bde mchog dkar po'i byin rlabs rdzogs rim gyi khrid dang bcas pa/ nA ro mkha' spyod kyi byin rlabs/ chig brgyud 'pho ba dang bcas pa/ bde mchog rtsa rgyud kyi bshad pa gnyan phul byung ba