[A:84]gdung brgyud sogs 'byon bzhud nyung ba'i stabs kyis mi bdag bdag tu re ba'i rlom sems can/ yul de nas pha tshad phyin pa na kar lugs phyogs kyi sgar pa dpon slob tshan cig yod 'dug pa rnams kyis/ rje nyid der phebs pa la phrag dog gis kun nas bslang ba'i skur zhus sogs mi dad pa'i rnam 'gyur mang po byas pas grwa pa rnams kyis ma bzod de/ sa skya pa mthu'i bdag po yin zer bas da lan bstan pa la dgongs nas cis kyang 'di rnams la mthu'i rtags thon pa zhig mdzad dgos/ de bzhin ma mdzad na phyin chad phyogs 'dir sa skya pa'i sgra mi grag pa zhig yong zhes yang yang nan tan bskyed de zhus pa la brten nas khong rnams la zhag bdun gyi dus btab nas/ dpon slob bdun gyis pu tra la brten pa'i las sbyor zhig mdzad pas/ zhag gsum song ba'i nub mo sgrub khang du 'od 'khyugs pa dang / thog 'tsheg pa dang / 'brub khung du lingga skad ngan 'don pa sogs nang rtags kyi cho 'phrul sna tshogs pa byung zhing / de'i dus gzhan phyogs karma pa'i sgar de'i dpon 'og ma bka' gros pa rje nyid la skur zhus byed pa'i gtso bo zhig yod pa de rgyu ma rul nas nyam thag pa'i skad 'don zhing tshe'i dus byas/ de ltar drag po'i las sbyor gyi rtags mngon sum du mthong ba la brten nas sgar pa gzhan rnams gar 'bros cha med du gyur cing / rje dpon slob rnams la dgra rkun la sogs pa'i 'jigs pa mtha' dag dang bral zhing / snyan pa'i grags pas sa steng thams cad khyab par gyur/ de nas ldan ma dang gling gi sar rim bzhin phebs te/ de dag na gnas pa'i