[A:85]slob ma mi dpon mi sde dang bcas pa rnams la'ang rang rang gi skal ba dang 'tsham pa'i gsung chos kyi tshim par mdzad cing / yul de dag gi mi dpon rnams kyis kyang phyag phyi byas nas dmar khams phyogs la phebs pa'i lam na rma chu gtsang po zhes bya ba'i chu klung chen po zhig yod pa'i 'gram du sgar pa sngon ma rnams kyis slebs nas de nub de gar sdod rtsis byas pa na rje'i zhal snga nas rjes su phebs te da lta chu la 'gro grabs gyis gsungs par/ phyags phyi ba rnams kyis mgrin gcig tu do nub thams cad thang yang chad nyi ma yang 'phyi mor song 'dug pas 'di gar bzhugs na legs pa 'dra zhes nan gyis zhus kyang ma gsan par da lta 'gro grabs gyis gsungs shing / mchod g.yog pa nam shas la mgon po'i gtor ma zhig da lta chos la chu 'di la rgyob gsung pa'i bka' lung mdzad pa na khong gis kyang de bzhin du byas pas chu la che chung du mngon pa ci yang ma byung / de rjes rje nyid kyi gtor ma chu la rgyag pa gnang bas lcags kyi tho lum me 'bar ba chur 'phangs pa lta bu'i sgra 'jigs su rung ba zhig byung zhing / chu de yang de ma thag nas sum gnyis bri ba tsam du song / der rje rang gis chu de la sngon la phebs shing de rjes sgar pa gzhan rnams kyang bar chad med pa chu'i pha rol tu sleb/ der gnas pa tsam na chu de sngar bas kyang bcu 'gyur tsam gyis che ba tsam du song bas sgar pa thams cad 'jigs shing skrag la ngo mtshar zhing blo bde bar gyur/ rje'i gsung nas da mgon po la gtang rag gi mchod gtor phul/ thams cad ja