[A:87]slob las ma byung zer/ kun ha las shing dad pa thun mong ma yin pa skyes nas zhabs tog kyang phun sum tshogs pa bsgrubs/ de la sogs pa mthu stobs nus pa bsam gyis mi khyab pa'i snyan grags kyis bon po gdug can rnams dang / gzhan yang grub mtha' rigs mi gcig pa'i gang zag thams cad kyang mtho 'tsham pa'i spros pa chod cing / ngo mtshar ba'i gnas su 'dzin pas dpal ldan sa skya pa'i bstan pa phyogs der nam langs shing nyi ma shar ba lta bur gyur/ de nas sre'i nya brag dgon par phebs te/ der bzhugs kyi tshogs pa rnams la bla ma gong ma'i bka' 'bum gyi lung la sogs pa gang la gang 'dod kyi chos kyi 'khor lo rgya chen po bskor bas thams cad mi phyed dad pa'i dpal la bkod/ mdor na khams kyi stod smad bar gsum du lo gsum/ yar mar lo gnyis te kun dril ba'i lo lnga'i bar la khams phyogs kyi gdul bya rnams kyi don rgya chen por grub par mdzad do/ /rgyal dbang rgyal ba'i 'phrin las bdag po ste/ /dad can dad pa'i shing rtas spyan drangs nas/ /bod yul bod chen sa yi sman ljongs su/ /skal bzang skal bar 'tsham pa'i chos 'khor bskor/ /de tshe phrag dog dug chus snying myos pa'i/ /skye ngan ro 'dzin bskyod pa'i 'khrul 'khor las/ /legs byas dge ba'i ljon shing kun bsreg pa'i/ /mi bzad dmyal ba'i me lce cher 'bar ba/ /khyed kyi mthu stobs bka' yi springs yig gis/ /bdun phrag zhag gi pha mthar son pa na/ /sdig can gtso bo pu tra nag pos bsgral/ /lhag ma ser bas btab pa'i bung