[A:88]ba bzhin/ /de nas dug dang ral gri'i 'phrul 'khor ltar/ /rnam pa kun tu mi dge sbyin byed pa'i/ /chos min smra ba'i tshig gi 'khri shing gis/ /gnam lcags rgyun mar 'bab pa'i lam srang du/ /rab gus bkur sti'i zol gyis bzhugs yul bstan/ /de na sbrul nag thibs 'dra'i sprin gyis phyogs kun mun pa'i khung bur byas/ /rab 'jigs gshin rje'i lce ltar myul ba'i klog dmar reg byas bsreg pa snyam/ /ri grums chu gter ral ba lta bu'i 'brug sgras klad pa'i 'bigs lta'i tshe/ /gdug can 'byung po sbal nag khros pa'i gzugs kyis mngon sum 'ongs par gyur/ /de tshe khyod kyi ting 'dzin rdo rje'i gur/ /cung zad tsam yang g.yo bar ma nus shing / /stobs chen 'byung po rdo rje'i zhing du bsgral/ /'jigs rung cho 'phrul rmi lam ji bzhin yal/ /zla dbang sgra gcan sprin las grol ba ltar/ /nag phyogs bdud kyi g.yul las rnam par rgyal/ /snyan grags zla ba dkar po'i utpal gyis/ /yid ldan rna ba'i dge tshal mdzes par byas/ /brgal bar dka' ba'i chu klung chen po yang / /gnam lcags bab 'dra'i gtor chen gyis bsnun pa'i/ /de ma thag tu rdzing bu'i rgyun bzhin gyur/ /skye bo kun gyi ngo mtshar gtam du gleng / /bdag chen rdo rje 'chang chen po'i rnam thar yid 'phrog utpa la'i do shal zhes bya ba las bod chen po'i rgyal khams su byon te/ bstan pa dang sems can gyi don rgya chen po mdzad pa'i skabs te lnga pa'o// //yongs 'dzin mkhas grub dbang po du ma las/ /zab cing rgya che'i dam chos kun nod de/ /dben pa'i ri khrod bas mtha'i sman ljongs su/ /sgrub pa snying por mdzad la phyag 'tshal lo/ /de nas khams phyogs su dad ldan gyi slob ma rnams kyis phul ba'i gser/ g.yu/ dpyad dngos/ ja gos dar/ rta dre'u/ mdzo pho mo la sogs