[A:89]pa zang zing gi dngos po stobs rab tu che ba dang bcas/ 'gal ba zhes bya ba sa mo glang gi lo la dbus su phebs/ rnam 'gyur zhes bya ba lcags pho stag gi lo la gdan sa chen po dpal ldan sa skyar gegs med du phebs te/ rje btsun 'jam dbyangs chen po yab sras kyis gtso mdzad/ gdan sa chen por bzhugs pa rnams la 'bul ba mang ja 'gyed bcas stobs che ba dang / 'jam dbyangs gzi 'od 'bar bas thog drangs bla ma gong ma'i gzims khang so so na bzhugs pa'i rten gsum ngo mtshar can rnams kyi drung du yang na bza'/ snyan dar/ dkar me la sogs pa'i mchod pa'i sprin phung bsam gyis mi khyab pa phul nas/ sangs rgyas kyi bstan pa yun ring du gnas pa'i gsol 'debs smon lam yang gnang ngo / /de nas dga' ba zhes bya ba chu pho 'brug gi lo la yab rje btsun 'jam dbyangs chen po zhing gzhan du bde bar gshegs pa'i thugs dgongs rdzogs thabs la sogs pa rnams kyang phun sum tshogs par bsgrubs shing / bzhi thog bla brang chos gzhis dang bcas pa thams cad rje btsun gcen la phul te/ bdag nyid bya bral kho na la thugs bstad/ 'jam dbyangs dkon mchog bzang po'i drung du slar yang nges pa'i don gyi nying khu zab don rdo rje rnal 'byor sbyor ba yan lag drug pa'i bka' drin gsan par mdzad pas rnam kun mchog ldan gyi stong nyid rdul phra rabs kyi chos las 'das pa/ rtogs sgom thams cad dang bral ba rnam par mi rtog pa'i ye shes phyag rgya chen po thugs rgyud la 'khrungs shing brtan pa thob bo/ /nges don dkar po'i mun