[A:90]khang nag po der/ /ye shes me lces sdig sgrib ma lus bkrus/ /stong nyid ngang du snang brnyan ci yang shar/ /gzung 'dzin srog bcad 'chi med go 'phang brnyes/ /lo de'i hor zla bcu pa la rgyal mkhar brtse bas gdan 'dren zhus te nor bu khyung rtser phebs/ sde pa dpon blon rnams la gsung chos kyi bka' drin stsal/ sde srid 'di pa dang dpon slob 'brel ba'i thog ma 'di yin/ rnam rgyal zhes bya ba chu mo sbrul gyi lo la slar yang mus su phyag phebs te/ rje sems dpa' chen po'i sku gdung la mjal ba dang thugs dgongs rdzogs pa'i phyir du mang ja 'gyed bcas la sogs pa phun sum tshogs par bsgrubs/ rje sangs rgyas dpal bzang pa/ grub chen kun blo ba/ chos rje blo rin pa rnams la slar yang rgyud sde bzhi dang rjes su 'brel ba'i chos skor mang po gsan/ dam pa de dag gis kyang rje nyid las gsung chos kyi bdud rtsi nod par mdzad/ rgyal ba zhes bya ba shing pho rta'i lo la yang nor bu khyung rtser phebs te/ zla ba bzhi tsam gyi bar du chos kyi 'khor lo bskor/ bar skabs su rje btsun gcen gyi drung du'ang 'jigs byed ro langs brgyad skor rwa lugs kyi dbang / sa lugs kyi phag mo zhal gnyis ma'i byin rlabs/ mai tri mkha' spyod kyi byin rlabs/ 'dod rgyal gyi rjes gnang / rta mgrin nag po lcags ral can gyi rjes gnang / phyag rdor u tsa'i rjes gnang / de'i yi ge jo nang pas mdzad pa'i lung / dril bu skor gsum gyi rjes gnang / theg chen chos kyi rgyal po'i bka' 'bum gyi lung / nag po chen po'i yi ge mang po'i lung sogs gsan par mdzad/ theg chen chos rje'i zhal slob rnal 'byor gyi dbang phyug chen po chos