[A:91]rje dpal ldan legs pa'i drung du dpal dus kyi 'khor lo'i sku gsung thugs yongs su rdzogs pa'i dkyil 'khor du dbang bskur ba dgra nag pa lugs kyi dbang / rje btsun srung ba lnga'i dbang / 'dod rgyal gyi man ngag gzhung dang bcas pa/ grub chen tshem bu pa nas brgyud pa'i thugs rje chen po'i dmar khrid/ de'i 'khrid yig dpal ldan bla ma dam pas mdzad pa sogs gsungs pas chos kyi rnam grangs mtha' yas pa zhig gsan ces thos/ gser 'phyang zhes pa me mo bya'i lo rgyal rtse bas spyan drangs pa'i phebs lam ngor la mdzad de/ rgyal tshab dam pa kun dga' dbang phyug pa'i drung du dpal kye rdo rje'i rgyu dus kyi dbang bskur rgyas pa Dom bhi he ru ka'i byin rlabs nyin srung mtshan srung gi bzlas lung man ngag dang bcas pa/ bdag med bstod 'grel gyi lung rnams gsan cing / der bzhugs pa'i tshogs pa rnams la'ang a ra pa tsa na'i rjes gnang la sogs pa rang rang gi 'dod pa dang mthun pa'i chos 'brel gyis tshim par mdzad/ de nas rgyal rtser phebs nas sde pa yab sras sogs la gsung chos kyi bka' drin stsal/ lo de'i ston gdan sar phyag phebs/ phyag rdzas kyi lhag ma gos dar ras yug brgya tsam gyis gtso byas dpyad dngos gang yod rje btsun gcen gyi phyag tu phul/ bdag po slob dpon chen po ye shes dbang phyug pa tshogs dbus la bzhugs pa'i gdan sa'i dge 'dun gzhis bzhugs gang 'dug la'ang mang ja gos dar la sogs pa'i 'gyed bcas phun sum tshogs pa gnang / rten gsum rnams kyi drung du'ang mar khal