[A:92]brgya phrag tu sbrel ba'i dkar me'i phreng ba sogs mchod pa'i sprin phung bzang zhing gya nom pa 'bul bar mdzad do/ /de ltar na/ tshul gnas thos dang bsam ldan pa/ /sgom pa la ni rab tu sbyor/ /zhes dang / shes rab rgyas byed pa ni thos pa ste/ /de dang bsam pa gnyis po yod gyur na/ /de las sgom pa yang ni 'byung bar 'gyur/ /de las dngos grub bla na med par thob/ /ces dang / gal te ma thos pa tsam gyis don mthong gyur na sgom pa don med 'gyur/ /gal te thos pa yang sgom 'jug 'gyur na bstan pa don med 'gyur/ /ces sogs gsung pa ltar/ dge slong rdo rje 'dzin pa'i brtul zhugs la gnas pa'i sgo nas sdom pa gsum gyi tshul khrims rnam par dag pa la nyes ltung gi dri ma phra zhing phra bas kyang ma gos pas gzhi bzung nas sngar smos pa'i yongs 'dzin de dag dang / khams su bya bral ba bla ma zhig la 'jigs byed rwa lugs kyi yig chung zab mo rnams kyi lung gsan pa lta bu'i gsang ba'i bla ma 'ga' dang bcas pa las zab cing rgya che ba'i chos kyi sgo mtha' yas pa dang / bye brag tu yang gsang ba las kyang ches gsang ba'i snyan brgyud zab mo'i gdams pa ji snyed cig gsan par mdzad cing / de dag kyang gsan pa tsam du ma zad tshig don gyi cha la sgro 'dogs mtha' dag legs par chod nas rtse gcig tu nyams su len par mdzad pa yin te/ de yang dgung lo sum cu pa rnam rgyal zhes bya ba chu mo sbrul gyi lo nas bzung ste/ sgyur byed ces bya ba sa mo phag gi lo'i bar lo bdun tsam gyi ring la gong du brjod pa'i tshul gyis chos ldan gyi dgos pa gal che ba re re tsam ma gtogs phal cher skyed lhas/