[A:99]gsung ba sogs rgyu mtshan du ma la brten nas the tshom med par nges so/ /zhes kho bo'i bla mas yang dang yang du gsung ba thos so/ /dus lan gcig gi tshe kha'u'i chu tshan nang du thugs dam la mnyam par bzhag pa'i dus su rdo rje lus kyi dkyil 'khor lha brgya lnga bcu rtsa bdun lag mthil gyi ri mo ltar mngon sum du gzigs shing / de yang gsang gnas kyi lha tshogs cung zad mi gsal zhing / snying ga'i thugs rdo rje'i lha tshogs ched du gsal zhing 'od zer mtha' yas pa 'phro ba zhig 'dug pas nged rang la 'phrin las kyi brgyud 'dzin ha cang mi mang zhing gang yod nges don la blo kha phyogs pa zhig 'ong ba 'dug ces rje btsun rdo ring pa chen po la dngos su gsung ba gnang ngo / /'di lta bu ni rnal 'byor gyi dbang phyug gi thun mong ma yin pa'i man ngag las/ nang ma mthong bar phyi mi mthong / /zhes gsungs pa'i don/ lus rtsa'i dkyil 'khor lhag pa'i lhar mthong ba/ zag med sa dang po'i bden pa mngon du mdzad pa'i ltas thun mong ma yin par snang bas shin tu ngo mtshar ba'i rnam thar du 'dug go /skyes lhas su 'jigs byed drug cu pa'i phyag len gyi 'grig gnang dus/ rje btsun rdo ring pas gtso mdzad las dag pa'i slob ma kha cig gis zhal ras kyi mdangs mthing nag tu 'gyur ba gzigs shing / lum pa chos mdzad pas rje'i dbu la mthing gi mdog lta bu'i rwa sngo zang nge 'dug pa mthong zhes gleng / de bzhin du 'phan yul mkhar rtser 'jigs byed kyi drug cu pa mdzad dus gtor ma la me 'bar ba kun gyis mthun grub tu mthong / rgyal mkhar rtser