[A:100]phebs pa'i dus shig gi tshe 'jam dbyangs dkon mchog bzang po rtse chen gyi bla brang shar na sku mtshams la bzhugs pa la rje 'di nyid kyis mjal du phebs pas rje nyid ltag sgor phebs pa na 'jam dbyangs chos rje rked sgor bsu ba la byon/ de'i tshe rje 'di nyid kyis zhabs sa la ma reg par phebs pa 'jam dbyangs chos rje pas gzigs te sa skya pas grub rtags bstan byung gsung ba gnang / rje nyid la sku gsung thugs kyi nyams kyi rnam 'gyur bsam gyis mi khyab pa byung ba de dus kyi phyags phyi ba rnams kyis mngon sum du mthong ba byung ba 'dug /skabs shig gi tshe bzhi thog blang brang dmar po'i bla ma mkhas btsun chen po'i thugs dam 'chams sku'i drung du mgon po lha brgyad kyi rtag gtor la brten pa'i bsnyen pa mdzad pa'i tshe mgon po mngon sum du zhal gzigs pa'i phyag dpung g.yon gyi steng du me 'bar ba dang / g.yas pa'i gri gug gi phyogs bzhi'i rwa med par rwa dbus ma la me 'bar ba zhig gzigs snang la byung bas rin chen sgang pa la brten pa'i gdung brgyud nged rang sku mched ka yin pa 'dra gsung ba'ang bu slob grwa pa kun la gsung rgyun thor bur byon/ de phyin chad dus dang rnam pa thams cad 'bral med du zhal gzigs par 'dug /de dus kyi mgon po che ba'i zhal gzigs ngo bo bkod pa'i sku dngos dang khyad par med pa'i bris sku khyad par can de deng sang rgyal mkhar rtse na bzhugs par snang ngo / /de bzhin du dpal ldan lha mo 'dod pa khams kyi dbang phyug ma 'di'ang snga mo nas skabs skabs su zhal ston pa zhig 'dug gsung ba phyags phyi ba ngos ma 'ga' la phebs pa dang / khyad par a