[A:110]tshig rdo rje dang bcas pa'i thun mong dang thun mong ma yin pa'i gzungs bzhugs rab gnas kyis brgyan cing mnga' gsol ba/ zhal ras la rdul sogs mi chags pa'i mgon po dngos dang khyad par ma mchis pa zhig bzheng bar mdzad/ de rjes dpal 'khor bde chen gyi slob dpon rnam pa che bgres gra pa dang bcas pa'i skal ldan brgya lhag tsam la gsung ngag rin po che bka' drin stsal te/ mdor na phyogs der dpal ldan sa skya pa'i bstan pa'i rgyun dbyar gyi chu mtsho ltar ches cher rgyas par mdzad/ slar yang skyed lhas su phebs te sku mtshams la bzhugs pa'i dus dge byed ces bya ba chu pho stag gi lo zla ba dang po'i nang du sa skya shAka bzang du mtshungs med dpal ldan rdo rje sku khams bsnyel ba la brten/ rje nyid spyan 'dren zhus pas de ma thag tu sku mtshams bkrol nas shAka bzang du phebs/ sku rim gsol sman sogs kyi 'phrod bsten dang / thugs dam gyi gsal 'debs mdzad/ chos rje pa zla ba de'i tshes bcu bdun gyi nyin dag pa'i zhing du gshegs/ de rjes thugs dgongs rdzogs thabs sogs rje nyid kyis bka' lung gis khyab par mdzad/ lo de'i 'phro las sa skya bla brang shar du phebs nas khams gtsang gi gra pa chos don du gnyer ba mang du 'dus pa rnams la gsung ngag rin po ches thog drangs gsung chos kyi rnam grangs bsam gyis mi khyab pa gnang ste rgyud yongs su tshim par mdzad/ slar yang skyed lhas su phebs nas dam tshig dang ldan pa'i skye bo rnams la thugs rtse bas nye bar dgongs te/ mdzes byed ces bya ba chu mo yos kyi lo la dam tshig gi rdzas khyad par can bdud rtsi ril bu'i