[A:113]'gyur tshal du thugs rjes byon/ /rong ston chos rje'i bstan pa'i srog shing bzung / /zab cing rgya che'i chos 'khor bsam yas bskor/ /thub bstan rgyas mdzad khyed la phyag 'tshal lo/ /de yang rnal 'byor gyi dbang phyug chen po padma'i ngang tshul nyid rgyal ba'i bstan pa 'dzin pa la bsams bzhin du shar rgyal mo dngul chu'i sman ljongs su sku'i skye ba bzhes pa rong ston thams cad mkhyen pa chen po shAkya rgyal mtshan dpal bzang po nyid kyis btab pa'i chos grwa chen po dpal ldan nA lenda'i gtsug lag khang zhes grags pa der dam pa de nyid nas bzung nas gdan sa'i ma pa bdun tsam song ba'i mtshams su gzhan phyogs kyi bstan 'dzin gyi gzugs su rlom kyang ma rungs ba'i phrag dog gis sems rgyud mun pa ltar gyur pa'i gang zag kha cig gis grub mtha'i kun slong ngan pa zhe la bzhag nas lam 'bras rgyab tu bor ba'i ngan sngags kyi 'khrul 'khor mang po'i sbyor bas/ chos grwa der bzhugs pa'i bla ma slob dpon mi sna drag gtogs mdor na khang khyim rags pa tshun ma rungs par byas te nyam thag pa'i tshe/ der gnas kun gyis mgrin gcig tu bgros nas/ da ni bdag cag rnams kyi skyabs gnas su rje btsun dam pa 'di kho na 'os so snyam nas rim par nan tan chen pos gsol ba btab pa la bsten nas spyi sgos kyi bstan pa la thugs brtse bas nye bar dgongs te/ gong du smos pa'i lcags pho khyi'i lo mjug tu/ nA lenda nas gdan 'dren mi sna rkang btsugs slebs/ 'gal byed ces bya ba lcags mo phag gi lo la/ dpal