[A:112]gter dbus/ /zab yangs mgrin pa'i rdza rnga brdung mkhas pa'i/ /grub mchog ngang mo'i ded dpon sa skya pa/ /rje btsun mkha' 'gro'i dbang po ma ti'i mtshan/ /mtshan ldan dam pa'i ngo mtshar gtam thos tshe/ /tshe 'dir sngon chad khyod zhal mthong ba'i las/ /las dkar skal bas dben pa'i skye bo bdag /bdag nyid chen po khyod kyi 'dzum dkar zhal/ /nam zhig mthong ba'i dga' ston thob snyam nas/ /yid la bya bas skabs gzhan 'phrogs gyur te/ /snying gi padmar khyod kyi bsam gtan bgyid/ /de lta mod kyi khyod sras thu bo'i mchog /kun spangs chos rje'i zhabs rdul gtsug gis bsten/ /de las 'ongs pa'i khyod gsung bdud rtsi'i rgyun/ /snying dbus bum bzang gang ba'i dpal yon gyis/ /da lta gangs can 'di na rig sngags 'chang / /mkhas par rlom pa byed pa'i ngo mtshar la/ /nam yang snying gi chu gter mi g.yo ba'i/ /dam pa'i bka' drin bsam zhing dran par gyur/ /gtum drag rkang 'thung chen po'i snye ma las/ /dad can bhu ti ha ri'i rdzas sbyor gyis/ /dam rdzas pad mtsho rnyog pa'i 'khrul 'khor ni/ /'ja' bzhin spyod pas bslu ba ring du dor/ /rnam mang dam tshig rdzas kyi a mr-i ta/ /rnam dag cho ga'i sgo nas legs bsgrub pa/ /rnam dkar dge ba'i mtshan ma cher gsal ba'i/ /rnam grol go 'phang ster ba mkha' 'gros bsgrags/ /bdag chen rdo rje 'chang chen po'i rnam thar yid 'phrog utpa la'i do shal zhes bya ba las yul gtsang phyogs su gsang chen zab mo'i chos kyi 'khor lo rgya chen po bskor zhing dam rdzas kyi ril bu bsgrub pa'i skabs te brgyad pa'o// //bod yul dbus