[A:129] smin byed dbang bzhi bskur te/ grol byed kyi lam bzhi sgom pa las/ lta ba bzhi nyams su myong ste/ grub mtha' rnyog par gyur pa yin la/ gal te ma rnyogs na'ang 'da' ka ma bzhi la brten nas 'bras bu bzhi mngon du 'gyur la/ dbang po tha mas kyang bar do bzhi nyams su blang ba la brten nas 'gros bzhi thim ste/ sku bzhi mngon du 'gyur ba'i gsang chen 'di ni/ rnal 'byor gyi dbang phyug birWa pa nyid kyi thun mong ma yin pa'i khyad chos yin pas na/ bzhi zhes pa'i tshig tsam la 'khrul pa'i rgyus med kyi rgyus gtam smras pa la dogs pa ci zhig yod ces sogs lan gyis ldog par mi nus pa'i lung rigs kyi sgo nas bstan pa'i snying po ches cher gsal bar mdzad pa yin no/ /rtsom pa'i sgo nas bstan pa la bya ba mdzad pa'i tshul ni/ spyir rtsom pa zhes bya ba/ bla ma dam pa rnams kyi rnam par thar pa dang / rgyal ba sras dang bcas pa'i yon tan brjod pa dang / bde bar gshegs pa'i gzhung lugs dri ma med pa'i dgongs 'grel dang bcas pa brjod bya'i yul du byas te/ 'phags yul gyi mkhas pa rnams kyis bshad pa ltar/ sdeb sbyor gyi gtsug lag dang mthun par rtsom shes na/ rtsom pa kho na la brten nas lhag pa'i lha'i zhal mthong ba dang / chos rnams kyi gnas lugs mthong ba'i shes rab skye ba sogs 'byung la/ de dang mthun par bdag nyid chen po 'dis mdzad pa'i gsung rtsom rnams kyang / dpal ldan sa skya paNDi ta'i sdeb sbyor snyan ngag me tog gi chun por/ rang gi brjod par bde zhing gzhan gyis rtogs par