R163: khams gsum chos kyi rgyal po bdag chen rdo rje 'chang blo gros rgyal mtshan dpal bzang po'i rnam par thar pa yid 'phrog utpa la'i do shal/ lam 'bras slob bshad/ {bod yig glog rdul dpe cha/}

  • Pagination (Witness A): 128
[A:128]nyid las/ de la dam tshig dang sdom pa gang yang med par bshad pa'i phyir/ gzhan yang / dbang gong ma la ltos pa'i rtsa ba'i ltung ba zhig kyang yod par 'gyur zhing / dbang gong ma'i skabs su sdom pa gong 'phel du 'gyur ba tsam la bsams nas sngags sdom gsar thob yod par khas len na ni kye rdo rje'i dbang bzhi rdzogs par 'thob pa'i gang zag gis/ 'khor lo bde mchog gi dkyil 'khor du zhugs shing dbang bzhi thob pa'i tshe sngags sdom gsar thob yod par 'gyur zhing / de ltar na sangs ma rgyas kyi bar du sngags sdom rdzogs par thob pa'i dus med par 'gyur bas ha cang mkhas drags pa'i skyon du 'gyur ro/ /bde mchog sdom 'byung gi rgyud dang / sam bhu Ta'i 'grel pa gnad kyi gsal byed du gsungs pa'i bskyed rim dang / rdzogs rim gyi sdom pa zhes bya ba yang dbang dus su thob pa'i sngags sdom la de ltar tha snyad btags pa ma yin/ dbang bskur ba sngon du song nas lam nyams su len pa'i skabs kyi nyams len la/ bskyed rdzogs kyi sdom pa'i tha snyad btags pa yin pas/ sdom pa zhes bya ba'i tshig tsam la 'khrul par mi bya'o/ /zhes sogs tshad ldan gyi lung rigs du ma'i sgo nas sun dbyung ba na/ lan med du mi bzhugs ka med du 'gyur ro/ /yang mkhas pa kha cig gis lam 'bras kyi sbyang gzhi ngos 'dzin pa'i skabs su/ rgyu rgyud kyi de kho na nyid kyi sbyang gzhir rigs kyi/ gzhan 'dus byas kyi chos sbyang gzhir mi rigs kyi/ don dam pa med pa'i phyir te/ zhes bzhed pa la/ rje nyid kyis sbyang gzhi rgyu rgyud rten gyi dkyil 'khor bzhi la/