[A:131]skor gyi dkar chag /man ngag gi khog bris/ nag po chen po'i thun mong ma yin pa gsang ba yid bzhin gyi nor bu/ gsang ba yang thig sems kyi gnad lnga la brten pa sogs 'khu ldog spong ba'i yi ge /sgrubs kyang rtags med na spogs chog rnam pa gnyis kyi yi ge /rig sngags go ldog pa'i man ngag snying thig ma/ kha sbyor dbye ba brgyad kyi man ngag /gsang sgrub kyi shin tu gces pa'i yi ge /rje nyid kyis bsgrigs pa'i gtor bskang / mgon po'i bzlog mdos kyi yi ge shin tu gsal ba/ dpal ldan lha mo'i bskang gso rgyas pa/ mgon po'i gtor chen gyi yi ge /rdo rje'i chos skyong rnams la bka' bsgo ba'i yi ge /gzhan yang mgon po che chung la brten pa'i mchod gtor 'bul tshul/ bkra shis sogs kyi yi ge khyad par can bsam gyis mi khyab pa zhig mdzad cing / 'di dag kyang dpyod ldan mkhas pas legs par brtags na/ deng sang gi yi ge gzhan phal cher dang mi 'dra ba'i don gyi snying po med du mi rung ba rnams shin tu gsal bar byed pa kho na yod pas 'di lta bu'i sgo nas gsang chen zab mo'i bstan pa gsal bar mdzad pa ni ches cher ngo mtshar ba'i rnam thar du snang ngo / /yongs rdzogs bstan pa'i nyin byed dbang po de/ /brtse chen rta ljang shing rtas legs drangs nas/ /thos bsam sgom pa'i gnya' shing 'dzin ri'i spor/ /legs bshad 'od stong dra ba ci yang 'gyed/ /de tshe thub bstan padmo'i dga' tshal ni/ /mkhas grub 'dab brgya'i phreng bas yongs gang zhing / /lung rigs ze'u 'bru dkar po'i 'dzum 'phreng gis/ /