[A:132]'gro 'di bung bar phan bde'i sbrang rtsi sbyin/ /zhabs sen nor bu'i 'od kyi mu thig 'phreng / /gang gi cod pan ral pa'i gtsug rgyan du/ /'dzin par mi byed mkhas dang byis pa su/ /brgya byin mig stong ldan yang mthong ngam ci/ /zol sbyor lung dang rtog ge'i rigs tshogs kyi/ /gya rgyu'i shing rtas grub pa'i gzhung lugs rnams/ /rang 'dod mya ngam gling du drangs byas nas/ /de nyid mkhas pa'i zla med grub mthar rlom/ /de ni khyod kyi lung rigs gyad zung gis/ /sngon byon brgyud ldan dam pa'i shing rta'i srol/ /rgya bod mkhas grub yongs kyi lam chen por/ /bde ba drangs pa'i rgyal rnga lan brgyar brdungs/ /mkhas 'dod rang bzo'i dri ma dang bral zhing / /ltar snang rtog ge'i dug chus ma sbags pa/ /phyogs mthong dpe nag tshig gis ma bcings pa'i/ /gsang chen snying por gyur pa'i bstan bcos ni/ /bcu phrag chu gter grangs kyis bsgyur ba yi/ /rmad byung zab mo'i glegs bam za ma tog /thar 'dod snying la bdud rtsi'i dpal ster ba/ /e ma ho bsod nams bzhin du 'phang par stsal/ /mkhyen brtse'i gzi 'od 'bar ba padma'i gnyen/ /rmongs pa'i tsha gdung 'phrog pa zla shel dkar/ /legs bshad 'dod rgu sbyin pa'i yongs 'du'i tshal/ /phan bde'i lo tog 'byung ba'i nor 'dzin no/ /bdag chen rdo rje 'chang chen po'i rnam thar yid 'phrog utpal la'i do shal zhes bya ba las/ gtso bor mkhas pa'i bya ba rnam pa gsum gyi sgo nas rgyal ba'i bstan pa rab tu gsal bar mdzad pa'i skabs te bcu pa'o// //zhing 'dir ma lus gdul