[A:636]dka'i yon tan ri bong snang brnyan de/ /mngon sum gsal bar 'char la gang gis bsnyon/ /snyan brgyud ring lugs dpyid kyi dga' ston tshogs/ /chad med 'bod pa'i rtogs brjod gzhan gsos glu/ /blo gsal rna ba'i bcud du srid mtha'i bar/ /ches dngar phang 'gro'i sgra bzhin snyan par shog /ched du sgo gsum 'bad rnams zung 'jug sku/ /mngon gyur de srid tshad ma bzhi ldan chos/ /ston dang nyer mjal thos bsam sgom pa yi/ /bzang po'i skal ba can du 'gyur bar shog /gsung ngag gser chos rdo rje'i chos skyong gis/ /zab don slob mar bshad bya gdams pa'i char/ /snod ldan gdul bya'i 'dzin mar rab brlan te/ /bshad sgrub snye ma srid mthar g.yur za shog /de yang tshar chen chos kyi rgyal po'i rtogs brjod bya gshong mkhan chen 'jam dbyangs dga' ba'i bshes gnyen gyis mdzad pa der 'khrul gzhi kha yar yod grags dang / sa spyod 'dar ba rin chen dpal bzang khu dbon gyis sbyar ba'i gsol 'debs rtsa 'grel khungs btsun yang khyab che ba zhig mi snang bas bsgrig mdun yod ngos drin can bla ma dpal ldan rdo rje sems dpa' dngos bka' 'gyur ba chen po dang 'dren mchog dam pa mkhan chen zha lu ba gnyis kyi bka'i khur lci ba'i steng / bdag chen rdo rje 'chang yab sras brgyud pa dang bcas pa la mi phyed pa'i dad pa thob pa'i bstan pa'i sbyin bdag pA Ni/ ka tsan/ swa ra swasti bya ka ra Na sogs brda sprod pa'i gtsug lag rgya mtsho'i mthar son zhing / sdeb sbyor/ rtsis dkar nag gis mtshon pa'i rig byed du ma la blo gros kyi snang ba rgyas pa 'dar ba ngag dbang phun tshogs lhun grub kyis lo rgyus kha 'thor rnams bsdu ba sogs 'bad pa chen pos bskul ba dang / rab 'byams rgyud sde'i bang mdzod bco brgyad chos rje