[A:635]rnam par thar pa ngo mtshar nor bu'i mgul rgyan rnams la'ang rje bla ma zhal bzhugs dus zin bris nges sbyar med pa'i skyon gyis lo tshigs gal che ba rags pa tsam las zhib cha ma mchis shing / mdzad pa 'gangs che ba rnams bsdebs mtshungs su 'dug pa zhal slob kyi rnam thar dang sgo bstun pa'i lo zla sogs cung zad gtan tshigs kyis gzhal nus kyang mtha' dag rtogs par dka' bas gsol 'debs tshigs bcad ma rtsa bar bzung / 'grel pa dang 'jam dbyangs dga' ba'i bshes gnyen gyis mdzad pa gnyis la 'khrul skyong ngos zin pa thor bu byung ba rnams la dag sbyor byas/ go rim phyogs tsam las nges sbyar ma thub rung don gyi cha la dpyad gang bzod kyi lugs bgyis par slad nas kyang mkhas pa rnams kyis dag ther dang snon 'phri mdzad 'tshal lo/ /rgyal yum ye shes mkha' 'gros rjes bzung sa drug dka' ba med bgrod nas/ /brtul zhugs spyod pas log lam 'phyan kun mngon mtho nges legs gnas bkod de/ /bcu gsum rdo rje 'dzin pa'i sar gshegs rnal 'byor dbang phyug chos skyong zhabs/ /a ho ngur smrig gos kyis nyer klubs rigs kun bdag po tshar pa rje/ /'gro snang rdzing bu ganggA'i klung rdul snyed/ /sna tshogs sgyu dra'i zla gzugs 'char ba'i tshad/ /bskal brgyar 'tshol ba'i rtse gcig ting 'dzin mkhan/ /mkha' mtha' ma rnyed ldog pa'i 'dab chags bzhin/ /bcu gsum rnam par sprul pa'i zlos gar gtam/ /gya tshom smra min lung rigs nges ster nor/ /grangs med skye bar bsgrubs pa'i legs byas kyi/ /tshul zong des khugs tshul la gcig tu rangs/ /thos bsam cha bsags zla dkyil dman pa'i zol/ /gzhan nor 'phel dang 'grib pa ltar sbyor yang / /dpag