[A:132]mang po mdzad/ rab 'byams pa khams chen du rlom pa zhig gis/ rtag pa'i dngos po yod/ de bde gshegs snying po yin/ jo nang kun mkhyen chen po de ltar bzhed zer brgyal 'gro ba tsam byed kyi 'dug pa la/ mi 'thad zer mkhan su yang mi 'dug pas/ sems la tshe ring tsa na skad cha ci yang zhig tshor gyi 'dug /kun mkhyen chen pos bde gshegs snying po rtag par zhal gyis bzhes bdog ste/ dngos po yin par mi bzhed/ khong gis gsung rab kun na/ stong gzhi rang bzhin 'od gsal 'dus ma byas/ /gsung pa kho na yod mod/ 'di mi 'thad tshul 'dra labs na rung ba tsam 'dug ste g.yem ma mu cor gyi rgyal por 'dug pas dgag sgrub kyi yul du'ang mi 'dug la/ lar chos rje thams cad mkhyen pa bu ston gsung pa de kho na mad/ kho bo gzhung lugs la thos bsam ma nus par sgom la yongs pa yin pas sgro gleng byed pa'i bab thob med/ de nas kyang phyag rgya chen po brjod bral de brjod byar byas pa'i sgro gleng sogs dgod bro la yid mug pa zhig byung nas kha rog par bsdad/ a ho sems kyi rang zhal lta ba'i tshe/ /tha snyad tshig gi zir long 'di ci dgos/ /tha snyad bslab tshe stong nyid don du gnyer/ /stong nyid sgom dus tha snyad ra mdar 'bod/ /rgyal bas lung bstan kun mkhyen jo nang pa/ /'ga' 'dus skyon med grub mtha' bzhed lags mod/ /gtsang dag bde dang rtag pa'i mthar thug pa'i/ /bde gshegs snying po dngos por bzhed re skan/ /der gsung chos rnams re zhig rdzogs/ nged phyir 'ong khar/ khyab bdag gcung smyon chos kyi rgyal po nyid kyi bzhugs