[A:133]gdan la nged sdod du bcug /gnang sbyin mang po mdzad/ gos can gyi sgom zhwa legs po zhig phyag la dar nas mgo la sbran te/ da lam 'bul ba'i gtso bo 'di yin/ mi mang sa dang khrom dbang sogs kyi tshe nges par bzhes par zhu gsung ba dang / sems la nga rang la rtsa ba'i cha lugs zhig yod pa bor bas yong ba med snyam pa shar na'ang / bla ma gcig dang rten 'brel 'phyugs na bla ma thams cad srog gcig pas sbal pa rma can bzhin 'gyur bar bshad pa de dran nas da lam khas blangs/ phyis su mi nus gang yin tshig gis sbyangs pas chog snyam nas/ de ga bgyid zhus pas thugs mnyes pa'i rnam 'gyur mang po zhig mdzad kyi gda'/ bka' brgyud bstan pa'i gtsug rgyan gcung smyon des/ /don brgyud phyag chen gnas lugs rang ngo sprad/ /sgrub brgyud bstan pa'i bdag po khyod 'os zhes/ /chig brgyud gdams pa'i gnad 'ga' lhug par bstan/ /bstan pa rtags kyis 'dzin phyir 'di gyon gsungs/ /gsung nan dang bcas sgom zhwa legs par stsal/ /stsal mod rtsa ba'i grub mtha' ma zin na/ /na tshod rgas kyang byis pa yin nam snyam/ /bla ma de drin che ba zhig yin pas bka' bcag tu mi rung snyam/ de skabs tshur lam rin spungs zhabs drung sogs mi 'tshogs che sa thams cad du sgom zhwa de gyon pas/ zhwa mo tshun 'gyur ba 'dra gsung sku rtsed mdzad pa kha re byung ba na de ga'i 'dod lan btab/ sems la grub mtha' 'gyur ba mi bdog pas sla'am snyam pa kho na byung mod/ nged rang gi gra pa